Инчунин санаи 20.05.19. озмуни Counter Strike байни хонандагони Discussion 4 гузаронида шуд. Мавзӯи озмун “Америкаро дар кафо будани давлатхои чахони саюм айбдор накунед. Сабаби асосии он дар норасогии озодӣ ва демократия мебошад. Оё шумо бо фикри Иван Клима розӣ ҳастед?” буда, иштирокчиён доири мавзӯи интихобшуда фикру мулоҳизаҳои худро баён намуданд. Дар натиҷа Музаффаров Иброҳим ғолибиятро ба даст овард.

Санаи 18.05.2019 озмуни Дебат байни хонандагони Discussion 1 баргузор гардид. Хонандагон дар мавзӯи “Оё афкори оммаро ба назар гирифтан дуруст аст?” баҳсу мунозира намуда, далелҳои худро доир ба мавзӯъ баён намуданд, ки дар натиҷа гурӯҳи якум ғолибиятро бадаст оварданд.

Бо мақсади санҷидани дониши хонандагон, ташаккул додани малакаҳои муошират, соҳиби нутқи мураттаб шудан, бедор кардани шавқу рағбат ба забономӯзӣ ва дарёфти беҳтаринҳо санаҳои 13.05-18.05.2019 дар марказ якчанд намуди озмунҳо гузаронида шуд.
Озмуни “Spelling Bee” дар гурӯҳҳои Discussion 1-4, , Round-up 1-2 ва дар гурӯҳҳои олмони A1-A2, Discussion 1 баргузор гардид. Дар ин навъи озмун асосан дониши хаттии хонандагон санҷида шуд.

Бо мақсади инкишофи нутқи хаттии хонандагони гурӯҳи русӣ ва санҷидани сатҳи дониши онхо дар байни хонандагони гурӯҳи Russian A1 озмуни Spelling Bee гузаронида шуд.

Бо мақсади баланд бардоштани сатҳи дониш ва малакаю маҳорати дарсдиҳӣ, мубодилаи таҷриба ва дониши омӯзгорон, инчунин баҳри баланд бардоштани шавқу завқи хонандагон бо ташаббуси директори марказ Ӯрунова Ҳ.У. аз санаи 6.05.2019 ба ташкилот меҳмон аз давлати Олмон ташриф оварданд. Инак, дар мӯҳлати як моҳ омӯзгорон ва толибилмони мо метавонанд аз донишу малакаи омӯзгори пуртаҷрибаи олмонӣ Кристиан Летсер баҳра гиранд.

Баҳри баланд бардоштани савияи дониш, таҷрибаи корӣ ва мубодилаи афкор санаҳои 13.04.2019 ва 19.04.2019 омӯзгорони марказ бо проффессорони ИМА ва Аврупо дар меҳмонхонаи “Умари Хайём” ва “Фирдавс”-и шаҳри Хуҷанд вохӯрӣ гузарониданд.

Барои боз ҳам беҳтар намудани сатҳи дониши хонандагон ва бедор намудани шавқу рағбати хонандагон ба омӯзиши забони англисӣ дар марказ озмуни Spelling Bee гузаронида шуда истодааст.

Боиси ифтихор аст, ки санаи 1-уми феврали соли 2019 директори марказ Ӯрунова Ҳ.У. рисолаи доктории худро аз рӯи ихтисоси 09.00.11.(фалсафаи иҷтимоӣ) бо муваффақият ҳимоя намуданд.

Санаи 5-уми марти соли 2019 маросими тантанавӣ бахшида ба супоридани шаҳодатномаҳо бо иштироки меҳмонони олиқадр бо дастгирии ширкати Tcell гузаронида шуд. Инчунин дар ин чорабинӣ бори аввал толибилмони гуруҳи экспременталии бахши хукукшиносӣ бо забони англисӣ соҳиби шаҳодатнома гардиданд.

1.Дар марказ аввалин бор бойгонии электронӣ ташкил карда шуд.
2.Дар марказ утоқи лингафонӣ ташкил карда шуда, он бо таҷҳизотҳои замонавӣ ва маҳсулоти барномавии ба он мутобиқ таъмин гардидааст. Инчунин равиши санҷишу имтиҳонҳо аз ҳамаи бахшҳо бо намуди шунавоӣ (аудировние) ва тестҳо ба низом дароварда шуда, тавассути системаи электронии Aйрен ва Линко гузаронида шуда истодааст.
3.Инак, бори аввал дар марказ бахши эксперименталии ҳуқуқшиносӣ бо забони англисӣ ташкил карда шуд.
4.Барои боз хам бехтар намудани тартибу низом ва ҳамкорӣ бо волидайн дар марказ хизматрасонии СМС-паёмакхо ташкил шуд, ки тавассути он ҳама рӯза ба волидайн оиди сатҳи дониши фарзандон ва тағйироту навгониҳои марказ маълумот ирсол карда мешавад.